فارياب کې يو ځوان خپل پلار وژلی
د فارياب پښتونکوټ ولسوالۍ کې يو ځوان خپل پلار د تبر په وسيله وژلی دی.
يوه ځايي سرچينه پنجره ورځپاڼې ته خبر کوي، چې د فارياب پښتونکوټ ولسوالۍ کې يو تنکي ځوان خپل پلار د تبر په وسيله وژلی دی.
د سرچینې د معلوماتو له مخې، دا پېښه تېره ورځ، د پښتونکوټ ولسوالۍ په بلوچپایین کلي کې شوې ده.
همداراز سرچينه زياتوي، چې دغه څوارلس کلن هلک رامين نومېږي او د دې په خاطر چې عمر يې کم دی، نو د طالب امنيتي مسوولينو له لوري لا نه دى نيول شوى.
د سرچینې د معلوماتو له مخې، د دې پېښې لامل کورنۍ شخړه بلل شوې ده.
د يادونې ده، چې په افغانستان کې د کورني تاوتريخوالي له امله دا لومړی ځل نه دی، چې يو کمکی ځوان خپل پلار وژني؛ بلکې تر دې وړاندې هم ګنو ولايتونو کې ورته پېښې ثبت شوي دي.