پکتیکا کې زلزلې مرګ ژوبله اړولې
تېره شپه په پکتیکا کې زلزلې ګڼ شمېر کسانو ته مرګ ژوبله اړولې.
د پکتیکا ځایي رسنۍ وایي، چې په دغه ولایت کې د تیرې شپې د زلزلې له امله په څلورو ولسوالیو برمل، زیړوک، نکه او ګیان کې ګڼ شمېر کسانو ته مرګ ژوبله اوښتې ده،
سرچینه زیاتوي، چې تر دې مهاله د مرګ ژوبلې او خلکو ته د اوښتو زیانونو کره شمېر نه دی معلوم شوی.
د طالبانو د سرپرست حکومت د پکتیکا ولایت چارواکو په دې تړاو تر اوسه رسنیو ته څه نه دي ویلي.