پاکستانۍ کلدارې ارزښت بايللی
د ډالرو پر وړاندې پاکستانۍ کلدارې بې کچه توګه خپل ارزښت بايللی دی.
پاکستانۍ کلداره ورځ تر بلې د ډالرو پر وړاندې خپل ارزښت بايلي او دا مهال د دغه هېواد په بانکونو کې يو امريکايي ډالر په ۱۹۱ کلداره تبادله کېږي.
همداراز د پاکستان په عامه بازارونو کې هم د ډالرو ارزښت لوړ شوی او کلداره په بې مخينې توګه ټيټه شوې ده.
پاکستان کې د سياسي جنجالونو او کشمکشونو وروسته، د ايتلافي حکومت په راتګ سره خلک هېله مند شوي وو، څو کلدارې به بېرته خپل ارزښت ترلاسه کړي، خو اوس بر عکس دا پيسې ورځ تر بلې خپل ارزښت بايلي.