د جوزجان – فاریاب پر لار ترافیکي پېښې ۶ تنه وژلي
د جوزجان – فاریاب پر لویه لاره کې د یوې ترافيکي پېښې له امله ۶ تنه وژل شوي دي.
د جوزجان ولایت د ځایي سرچینو د معلوماتو پر بنسټ، تېره ورځ د فاریاب – جوزجان په عمومي لاره یو فلانکوچ موټر چپه شوی دی چې له امله یې ۶ تنه وژل شوي او ۱۰ نور ټپیان شوي دي.
سرچینې زیاتوي، چې وژل شوي کسان ټول د ګرزېوان ولسوالۍ د ګلبيان کلي اوسېدونکي دي چې مزارشريف ښار ته یې د سفر کولو قصد درلوده.
طالب چارواکو د یادې ترافیکي پېښې په تړاو تر اوسه رسنیو ته څه نه دي ويلي.