ننګرهار کې د لبنیاتو فابریکه
په ننګرهار ولایت کې د ختيځ لبنياتو فابریکه په نوم یوه فابریکه هره ورځ له ۳ زره کیلوګرامه شېدو څخه بېلابېل لبنيات توليدوي.
ننګرهار کې د ختيځ لبنیاتو فابریکې مسؤلينو رسنیو ته ویلي، چې دغه فاربریکه هره ورځ له ۳۰۰۰ کیلو ګرامه شیدو څخه بېلابېل ډول لبنیات تولیدوي چې د ننګرهار ولایت سربېره یې د هېواد نورو ولایتونو ته هم لېږدوي.
د یادې فابریکې مسؤلين زیاتوي چې په دې فابریکه کې تر ۱۵۰۰ ډېرو مالدارانو څخه شیدې راټولوي چې کوچ، پنیر، شړومبې، مستې، چکه او ځینې نور لبنیات ترې تولیدوي.