افغانې سرې میاشتې د لوګر له اړمنو سره مرسته وکړه

لوگر ولایت کې د افغاني سرې میاشتې له لوري 800 کورنیو ته مرسته ووېشل شوه.

لوګر ولایت کې د افغاني سرې میاشتې له لوري د برکي برک او څرخ ولسوالیو له 800 اړمنو کورنیو سره چې سروې یې مخکې تر سره شوې وه د خوراکي توکو مرسته وشوه.

یاده مرسته د افغانې سرې مياشتې ټولنې مرکزي سويل لويديځ زون رئيس مولوي الياس خيل “ناصري”، د لوګر څانګې رئيس محترم مولوي نصرت، لوگر سرې مياشتې څانګې کارکوونکو، رضاکارانو او د رسنيو استازو په شتون کې د يادې څانګې په انګړ کې ووېشل شوه.

دغه مرسته چې د ترکیې هېواد خلکو له لوري چمتو شوې وه په کې هرې کورنۍ ته درې کارټنه خوراکي توکي چې په کې (3 کيلو ترميده اوړه، 5 ليتره غوړي، 4 کيلو عدس، 5 کيلو لوبيا، 4کيلو نخود، 5 کيلو وريژې، 4 کيلو مکروني، 4 کيلو بلغور يا د غنمو وريژې، 4 کيلو منصور دال، 750 ګرامه مالګه، 7 کيلو بوره، 500 ګرام آش، 700 ګرامه بسکيت،1600 ګرامه روب، 200 ګرامه شيدو قهوه او 360 ګرامه مربا چې ټول 16 قلمه خوراکي توکي کيږي شامل وو.