سعودي عربستان د چین ولسمشر ته بلنه ورکړې چې له سعودي څخه لیدنه وکړي
د والسټريټ ژورنال راپور وایي، چې سعودي عربستان د چین ولسمشر “شي جین پینګ” ته بلنه ورکړې تر څو له سعودي عربستان څخه لیدنه وکړي.
سرچینه همداراز وایي، چې دا لیدنه به د اپریل میاشتې په لومړیو کې وشي.
والسټریټ ژورنال زیاتوي چې په دې سیمه کې د امریکا متحدین د نویو سیاسي او اقتصادي اړیکو جوړولو په لټه کې دي.
د رسنیو راپورونو ویلي، چې دا لیدنه یوازې د تېلو او وسلو د معاملاتو لپاره نه بلکې د قوي اړیکو جوړولو لپاره تر سره کیږي.