د ننګرهار کانال څلورم فارم څخه څه باندې ۴۲۱ زره کیلو ګرامه زيتون راټول شوي دي
د طالبانو د سرپرست حکومت د ننګرهار ولایت ځايي چارواکي وايي، چې د ننګرهار کانال څلورم فارم څخه څه باندې ۴۲۱ زره کیلو ګرامه زيتون راټول شوي دي.
هغوئ زیاتوي چې د کانال رياست اړوند څلورم فارم څخه په ژمني فصل کې ۴۲۱۳۹۰ کيلو ګرامه تور او شنه زيتون راټول او د زيتونو فابريکې ته د پروسس په موخه لېږدول شوي دي.
د ننګرهارچارواکي همداراز وایي چې په نوموړي فارم کې ۱۷۰۰ کيلو ګرامه يوريا سره وکارول شوه او د ځمکې نرمولو چارې يې هم پرمخ روانې دي. ترڅو لا ډېر حاصلات ترې ترلاسه شي.
د ننګرهار ولایت له فارمونو څخه هر کال زرګونه کیلو ګرامه تور او شنه زیتون تر لاسه کېږي او بهرنیو هېوادونو ته پروسس کېږي.