د کډوالو نړۍ واله ټولنه: ۶ ميليونه افغانان کډوال شوي دي
د کډوالو نړۍ واله ټولنه وایي په افغانستان کې شپږ ميليونه خلک بې ځايه شوي دي.
د کډوالو نړۍ والې ټولنې د يو تازه خپاره شوي راپور پر بنسټ، په افغانستان کې شپږ ميليونه خلک بې ځايه شوي دي او وايي د روان خراب اقتصادي وضعيت له کبله ممکن دا شمېره نوره هم زياته شي.
ياده ټولنه وايي چې تېر کال زيات شمېر خلک د جګړو، وچکالي او اقتصادي ستونزو له کبله بې شوي وو.وايي په ۲۰۲۱ ميلادي کال کې ۱،۳ ميليونه کسان په افغانستان کې بې ځایه شوي وو او تر ډېره دغه کډوالي د جکړو له کبله شوې وه.
دغه راز د کډوالو نړۍ واله ټولنه وايي چې په افغانستان کې د تېرو لسو کلونو په ترڅ کې څلور نيم ميليونه افغانان بهرنيو بهرنیو هیوادونو ته کډه شوي دي. ددغې سرچینې په وینا تر ډېره دغه وګړي ګاونډيو هېوادونو ته تللي دي.