د سالنګ لویه لار د ترافیکو پر مخ وتړل شوه
د سالنګونو لویه لار د اورښت له امله د ترافیکو پرمخ وتړل شوه.
د سالنګونو د لویې لارې د ساتنې ریاست مسؤلین وايي، چې دا لار له نن سهار څلورو بجو راهیسې د زیاتو واورو د اورېدو او طوفان له امله د ترافیکو پر مخ تړل شوې ده.
هغوئ زیاتوي، چې د دې لارې د بېرته خلاصېدو لپاره ګړندۍ هڅې روانې دي او ډېر ژر به دغه لاره د ترافیکو پر مخ پرانیستل شي.
د سالنګونو لویه لار هر کال د زیاتو واورو د اورېدو له امله د ترافیکو پر مخ څو ځله تړل کېږي، دغه لویه لاره د هېواد څو ولایتونه له مرکز کابل سره نښلوي.