اوکراين سره د جرمني او هالنډ مرسته
هالنډ، جرمني اوکراین ته د ټانکونو او اولوتکو ضد مزايل او نور جنګي وسایط استوي.
د اروپايي رسنيو په تازه خپاره شوو راپورونو کې راغلي چې هالنډ او جرمني اوکراین ته د ټانګ او اولوتکو ضد مزایل او همدا راز بشردوستانه مرستې به هم ورسوي.
په ورته وخت کې راپورونه وايي چې د ناټو ځينو نورو غړو هېوادونو هم اوکراین سره د مرستو ژمنه کړې ده.
جرمني ويلي چې اوکراین ته به د ټانک ضد ۱۰۰۰ او د الوتکې ضد ۵۰۰ سټینګر مزایل واستوي.
له دې سره جوخت هالنډ هم د خپل هېواد له پارلمان څخه غوښتي دي چې اوکراین ته د ۲۰۰ سټینګر مزایلو ورکړه تأیید کړي.
بلخوا ناټو سازمان هم ویلي چې ګڼ نور غړي هېوادونه به يې ډېر ژر له اوکراین سره خپلې مرستې اعلان کړي.