د پنجشیر د ټولګټو ریاست رئیس په یوه ترافیکي پېښه کې ټپي شوی دی
شمالي سالنګ کې په ترافیکي پېښه کې د پنجشیر د ټولګتو رئیس او څلور تنه نور ټپیان شوي دي.
د طالبانو د سرپرست حکومت د ټولګټو وزارت مسؤلین وایي، چې د پنجشیر ولایت د ټولګټو ریاست د رئیس موټر چې له کابل څخه تخار ته روان و د شمالي سالنګ په لویه لار کې چپه شوی دی.
د دې وزارت مسؤلین زیاتوي چې دغه پېښه پرون د حوت د میاتې په دویمه نېټه رامنځته شوې ده.
په یاده پېښه کې د پنجشیر ولایت د ټولګټو ریاست د رئیس په شمول پنځه کسان ټپیان شوي دي، چې ټپیان د پلخمري روغتون ته وړل شوي دي.