د سالنګونو لویه لار د ورښتونو او توپان له امله تړل شوې ده
د سالنګ لویه لار د ترافیکو پر مخ تړل شوې ده. د طالبانو د سرپرست حکومت د ټولګټو وزارت چارواکي وایي، چې د سالنګ لویه لاره د وروستیو اوورښتونو او توپان له امله نن د ترافیکو پر مخ تړل شوې ده.
د سپوږمۍ راډیو هم په خپله فیسبوک پاڼه لیکلي، چې د سالنګونو د ساتنې او مراقبت مسوولین وایي چې په سیمه کې له پرون راهیسې سخت ورښت او توپان روان دی.
له همدې امله دغه لار د هر ډول تګ راتګ پر مخ تړل شوې او تر راتلونکې اطلاع پورې به چا ته د سفر اجازه نه ورکول کېږي.
تر اوسه دا نه ده معلومه شوې چې د سالنګ لویه لار به د څومره وخت لپاره د ترافیکو پر مخ تړل شوې وي.