طالبان: پاکستان ته قاچاق کېدونکې وسلې نیول شوي دي
طالبان وايي، پاکستان ته يې د ١٦ ميله وسلو د قاچاق مخه نيولې ده.
د طالبانو د سرپرست حکومت دکورنيو چارو وزارت مسؤلینو رسنیو ته خبر ورکړی چې پاکستان ته یې د شپږ میله وسلو د قاچاق مخه نیولې.
هغوئ زیاتوي چې دا وسلې چې یو میل M4 او نهه میله M16 ټوپک پکې شامل دي د پکتيا ولايت د څمکنيو او جاني خېلو په عمومي سړک بازار ته نږدې د طالبانو لخوا نیول شوي دي.
هغوئ همداراز ویلي، چې د پېښې په تړاو يې يو کس هم نيولى دى چې نیول شوي کس غوښتل دغه وسلې پاکستان ته د قاچاق په موخه یوسي.
د کورنیو چارو وزارت وایي چې وسلې یې ضبط او نیول شوی کس به له څېړنو وروسته عدلي او قضایي ارګانونو ته وسپارل شي.
په هېواد کې واک ته د طالبانو له رسېدو وروسته پاکستان ته د وسلو د قاچاق لسګونه پېښې رامنځته شوي دي.