افغان نابینا لوبغاړي يو ځل بيا بريا خپله کړه
تېره شپه د انګلستان په پلازمېنه لندن ښار کې د ١٠٠ لامبو وهوونکو ترمنځ سيالي ترسره شوه چې له افغانستانه پکې ولي محمد نوري ګډون کړی و.
نوموړي وکولاى شول چې د لامبو وهنې په دې سيالۍ کې ٥٠ متره واټن په ٥٩ ثانيو کې ووهي او دريم ځاى خپل کړي.
ولي محمد نوري يوازنی نابينا لامبو وهونکی دی، چې د خپل مډال ترڅنګ يې يو افتخاري مډال هم ترلاسه کړ.
ولي محمد نوري تر دې وړاندې د ځغاستې په برخه کې اتلولي هم ګټلې ده.