ملګري ملتونه: افغانستان کې د ښځو اوسني وضعيت ته اندېښنه لرو
ملګرو ملتونو د طالب حکومت له راتګ وروسته دا لومړی ځل دی چې په افغانستان کې د ښځو د وضعیت په تړاو یو راپور خپور خپروي. د ملګرو ملتونو د ښځو د برخې ادارې په یوه خپاره شوي راپور کې راغلي چې په افغانستان کې د ښځو پر وړاندې ډول ډول فشارونه مخ پر زیاتېدو دي.
سرچینه وایي چې افغان ښځې له زده کړو محرومې دي، دندو ته نه شي تللی، د سفرونو پرې بندیز دی او د حقونو پر وړاندې یې ستر ګواښونه موجود دي.
یاده اداره ادعا کوي چې په افغانستان کې یې د ښځو د حقونو په هکله يوه دقیقه څېړنه کړې ده او د ملګرو ملتونو له مشر غواړي چې په دې هکله یې دریځ لا پياوړی کړي.
بل خوا بيا د افغانستان نوي حکومت له واک ته رسېدو سره سم څو ځلې ویلي چې دوی د ښځو حقونو ته درناوی لري او هڅه به کوي چې د کار او زده کړو زمینه ورته برابره کړي؛ خو داسې ښکاري چې دا خبرې يوازې ويل شوي او تراوسه يې کومه عملي جنبه نه ده خپله کړې.