اسيا او نړيوال جامونو ته ۱۹ کلنه لوبډله اعلان شوه
افغان کرکټ بورډ د اسیا او نړیوال جامونو لپاره د ۱۹ کلنو ملي لوبډله اعلان کړه.
د افغانستان کرکټ بورډ ادارې، د راتلونکو اسیا او نړیوال جامونو لپاره له ۱۹ کلنو څخه د کم عمره افغان لوبغاړو ۲۰ کسیزه لوبډله اعلان کړه.
کرکټ بورډ اداره وايي چې دغه شل کسیزه لوبډله ته يې د سليم صافي په لوبډل مشرۍ د وړتيا له مخې پياوړي ځوانان انتخاب کړي ، چې په راتلونکي اسيا او نړيوال جامونو کې به د افغانستان استازيتوب کوي.
په ورته وخت کې د ټولنیزو رسنیو اکثره کارکوونکي د يادې لوبډلې له ترکیب خوښ، خو ځیني يې بيا ناخوښه دي او د کرکټ بورډ په ادارې کې يو شمېر غړي لوبډلې ته د لوبغاړو په انتخاب کې په فساد تورنوي.