هند له ځنډ وروسته یو ځل بیا خپل سفارت پرانېزي

هندي ورځپاڼې خبر ورکوي، چې هند يو ځل بيا په افغانستان کې خپل سفارت پرانېزي.

کابو درې مياشتې مخکې د طالبانو له واکمنېدو سره سم هند حکومت په افغانستان کې خپل سفارت بند کړ؛ خو تازه هندي ورځپاڼې وايي، چې هند حکومت يو ځل بيا غواړي په افغانستان کې خپل سفارت پرانېزي.

هندي سرچينې زياتوي، چې هند حکومت وايي، طالب ساتونکو د دوی له سفارت څخه ښه ساتنه کړې او کوم زيان يې نه دی وراړولی.

د طالبانو له واکمنېدو سره په افغانستان کې ګڼې سفارت خونې تړل شوي، د سياسي چارو شنونکو په وينا له نړۍ سره د افغانستان ډيپلوماتيکو اړيکو ته ستر زيان رسېدلی.