افغان نابینا د لامبو وهنې په سیالي کې د سرو زرو مډال ګټلی
پنجره ورځپاڼه: افغان نابينا لوبغاړي وليمحمد نوري په بريټانيا کې د لامبو وهنې په سیالي کې د سرو زرو مډال ګټلی دی.
په دې سیالیو کې چې د اروپايي هېوادونو شاوخوا ۷۰ لوبغاړو ګډون کړی و، وليمحمد نوري په کې د سرو زرو مډال په خپل نوم کړ.
ياد افغان نابينا لوبغاړي د لامبو وهنې په پنځوس مټره واټن کې ګډون کړی و، چې دغه واټن یې په ۴۹ ثانیو کې وواهه او د سرو زرو مډال یې په کې وګاټه.
وليمحمد نوري د سرو زرو مډال تر ګټلو وروسته په ټولنیزو رسنيو کې د خپاره شوي پيغام له لارې خپلو هېوادوالو ته مبارکي ورکړې.
هغه په یوه ویډیويي پیغام کې ویلي، چې سیالي یې سخته وه، خو د افغانانو په دعا یې دا ویاړ ګټلی دی.
افغان نابینا لوبغاړي وليمحمد نوري له دې مخکې هم د ځغاستې او لامب وهلو په بېلابېلو سیالیو کې اتلولۍ ګټلي دي.