عمران خان: هېواد کې راروان وضعيت ته نه چپ کېږم
عمران خان وايي، چې پاکستان کې راروان خرابېدونکی وضعيت ته چپ نه شم پاتې کېدای.
پاکستاني رسنۍ وايي، چې د دغه هېواد مخکيني لومړي وزير عمران خان تېره ورځ د خپل ګوند پلويانو ته د يوې وينا پر مهال ويلي، هېواد کې يې را روان وضعيت ته نور چپ نه شي پاتې کېدلی.
سرچينې همداراز وايي، چې عمران خان پاکستان کې د ټاکنو ژر تر ژره کېدو غوښتنه کړې او ويلي يې دي، چې که ټاکنې ژر ونه شي، د صبر پر ځای به لاريون ته مخه کړي.
په ورته وخت کې د پاکستان پوځ او اوسني حکومت د عمران خان دغه څرګندونې غندلي او هغه يې د هېواد په تاوان ښودلي دي.