فاریاب کې یوې نجلۍ ځان وژنه کړې ده
په فاریاب کې یوې ۲۱ کلنې نجلۍ ځان وژنه کړې ده.
دغه پېښه تېره شپه د فارياب ولايت د خان چهارباغ ولسوالۍ د چتېپې په کلي کې رامنځته شوې ده.
په خان چهارباغ ولسوالۍ کې یوه سیمه ییزه سرچینه وایي، چې د روزګل په نوم یوې ۲۱ کلنې نجلۍ ځان زندۍ کړی دی.
د سرچينې د معلوماتو له مخې، دغې نجلۍ د نامعلوم دليل له مخې په خپل کور کې ځان را ځړولى او خپل ژوند يې پاى ته رسولى دى.
سرچینه زیاتوي، چې د دغې نجلۍ جسد د نورو څېړنو لپاره د اندخوی ولسوالۍ کلینیک ته لېږدول شوی دی.
دا په داسې حال کې ده، چې څلور ورځې وړاندې هم په اندخوى ولسوالۍ کې يوې څلوېښت کلنې مېرمنې ځان وژنه کړې وه.