امریکا کې افغانانو د افغانستان ورخ ونمانځله
په امريکا کې د زرګونو افغانانو له لوري د افغانستان ورځ ونمانځل شوه.
په امریکا کې ميشتو افغان کډوالو رسنيو ته ویلي، چې د امریکا په ورجینیا ښار کې د افغان کور ټولنې له لوري د افغانستان ورځ ونمانخل شوه.
د دې ټولنې مسوولین وایي، چې د امریکا له بېلابېلو ښارونو څخه شاوخوا لسو زرو افغان کډوالو په دې مراسمو کې ګډون کړی وو.
دا په داسې حال کې ده، چې د تېر کال اګسټ میاشتې را په دې خوا زرګونه هغه افغانان چې په افغانستان کې یې له امریکایانو سره دنده ترسره کړې وه امریکا ته لېږدول شوي دي.