اسيا کپ سیالیو ته د کرېکټ ملي لوبډلې سکواډ اعلان شو
افغان کرېکټ بورډ راتلونکي اسیا کپ سیالیو ته د ملي لوبډلې د لوبغاړو نوملړ اعلان کړ.
د افغانستان کرېکټ بورډ تېره ورځ د اسيا کپ سیالیو لپاره د محمد نبي عیسی خېل تر لوبډلمشرۍ لاندې د ملي لوبډلې ۱۷ کسيز نوملړ اعلان کړ، چې ۷ توپ وهونکي، ۵ الرونډران او ۵ هم بالران په کې شامل دي.
په دې نوملړ کې حضرتالله ځاځی، رحمان الله ګربز، عثمان غني، ابراهیم ځدراڼ، نجیبالله ځدراڼ، حشمتالله شاهدي او افسر خان ځاځی د توپ وهونکو په توګه اخیستل شوي دي.
همداراز لوبډلمشر محمد نبي، راشدخان، سمېعالله شینواری، کریم جنت او عضمت عمرزی د الرونډرانو په توګه لوبډله کې ځای پرځای شوي.
فرید احمد ملک، فضلالحق فاروقي، مجیب ځدراڼ، نوینالحق او نوراحمد به په اسیا جام سیالیو کې د توپ اچوونکو په توګه د افغانستان په ګټه لوبې کوي.
په ورته مهال شرفالدین اشرف، قیس احمد او نجات مسعود بیا درې هغه لوبغاړي دي چې احتیاطي یا ریزرف لوبغاړي اعلان شوي دي.
د اسیا کرېکټ جام لپاره اعلان شوې ملي لوبډلې کې تر ډېره هغه لوبغاړي تر سترګو کېږي چې دا مهال ایرلنډ سره پر شل اوریزه لوبو بوخت دي.