لوګر کې د سرګلولې چاودنې ماشومان ټپیان کړي دي
په لوګر کې د یوې ناچودې سرګلولې چاودنې څلور تنه ماشومان ټپیان کړي دي.
د طالبانو د سرپرست حکومت د لوګر د والي ویاند عمر منصور مجاهد وایي، چې د دغه ولایت په برکي برک ولسوالۍ کې د یوې سرګلولې د چاودنې لــه امله څلورتنه ماشومان ټپیان شوي دي.
د هغه په وینا، یاده پېښه تېر ماسپېښین ۳ درې بجې او ۴۵ دقیقې د برکي برک ولسوالۍ په نواباد په سیمه کې را منځ ته شوې ده.
تر دې وړاندې هم په هېواد کې پخوانیو ناچاودو مرمیو سلګونو ماشومانو ته مرګ ژوبله اړولې ده.