وروستيو سېلاوونو مالي او ځاني زیانونه اړولي
طالب سرپرست حکومت وايي، چې په هېواد کې د سېلاوونو له امله د مړو شمېر ۱۸ کسانو ته ورسېد.
د طالب سرپرست حکومت چارواکي وايي، چې په هېواد کې د وروستیو سېلاوونو د راوتلو له امله د مړو شمېر ۱۸ ته پورته شوی.
د دوی د معلوماتو له مخې، ۱۰ تنه په میدان وردګو، ۵ په ننګرهار او ۳ تنه نور هم په نورستان ولایتونو کې مړه شوي دي.
طالب سرپرست حکومت وايي، چې د دوی ولایتي ټیمونه هڅه کوي، څو سېلاو ځپلو ته اړینې او پر وخت مرستې ورسوي.
له دې سره جوخت د د طالب سرپرست حکومت د اوبو لګولو او مالدارۍ وزارت هم ويلي، دغهرسېلاوونه چې په لسو ولایتونو کې راوتلي، ۵۰ زره کرنیزه ځمکه يې تخریب کړې او ښايي دا شمېره نوره هم پورته شي.