کاپیسا کې د سړک ویجاړې شوې برخې ورغول شوې
د کاپیسا ولایت د ټولګټو ریاست له لوري د دې ولایت د سړک ویجاړې شوې برخې ورغول شوې.
د طالبانو د سرپرست حکومت د ټولګټو وزارت د رسنیو مسؤلین وایي، چې د کاپیسا ولایت د ټولګټو ریاست د ماشینرۍ او پرسونل له لوري د دې ولایت د سړکونو هغه برخې چې له وړاندې ویجاړې شوې وې د رغولو چارې یې بشپړې شوې.
هغوئ زیاتوي چې د سړک ویجاړې شوې برخې بیرته هوارې او جغل پرې واچول شو.
د ټولګټو وزارت وایي چې د سړک ویجاړو برخو خلکو ته د تګ راتګ پر مهال ستونزې رامنځته کړې وې چې اوس حل شوې دي.
او اوس مهال د سیمې خلک د پخوا په پرتله په اساني سره تګ راتګ کولی شي.