کابل کې د ونو پرېکولو له امله د یوه هوټل مالک ۱۳ لکه افغانۍ جریمه شوی دی
د طالبانو د سرپرست حکومت د کابل ښاروالي مسؤلین وايي، چې د “اریانا کابل هوټل” مالک یې له دې امله ۱۳ لکه افغانۍ جریمه کړی چې د دغه هوټل مخې ته يې ۲۶ شنې ونې پرې کړې وې.
خبرپاڼه زیاتوي چې د یاد هوټل مالک اړ کړل شو څو د ۲۶ ونو پرېکولو په جریمه کې ۱۳۰۰۰۰۰لکه افغانۍ جریمه ورکړي او پیسې یې د کابل ښاروالۍ د عوایدو ریاست ته ورکړل شوې.
د طالبانو د سرپرست حکومت د کابل ښاروالي وایي، یاده اداره هوډ لري، څو قانون په ټولو یو شان پلی شي او له دې ډول ښاري سرغړونو مخنیوی وشي.