پکتيا کې چاودنې ۲۳لمونځ کونکو ته مرګ ژوبله اړولې
پکتيا کې چاودنې ۲۳لمونځ کونکو ته مرګ ژوبله اړولې.
د پکتیا په ډنډي پټان ولسوالۍ کې د خروټو کلي په جامع جومات کې ماین چاودنې درې کسان وژلي او ۲۰ نور یې ټپیان کړي دي.
د طالبانو د سرپرست حکومت د پکتیا د امنیه قومندانۍ د امنیت امر مولوي کرامت وایي، دغه چاودنه د ډنډي پټان ولسوالۍ د خروټو کلي په جامع جومات کې د جمعې له لمانځه وروسته د خلکو د راوتلو پر مهال شوې ده.
هغه زیاتوي، چې د یادې چاودنې له امله ۳ تنه وژل شوي او ۲۰ نور ټپیان شوي دي. د دغې چاودنې مسؤلیت تر اوسه کومې ډلې نه دی منلی.