د پکتیا پوهنتون یو استاد له مجبوري شپني کوي
د پکتیا پوهنتون یو استاد له مجبوري شپني کوي. د پکتيا پوهنتون استاد عزت الله عاصم د بېکارۍ او اقتصادي ستونزو له امله شپني ته مخه کړې.
د پژواک خبري آژانس د یو خپاره شوي متن په حواله، د پکتیا پوهنتون دغه استاد په پښتو ادبياتو کې ماسټري او د استادي لس کلنه کاري تجربه لري.
د طالبانو د سرپرست حکومت د لوړو زده کړو وزارت مرستیال لطف الله خیرخواه بیا وایي، چې استاد عزت الله عاصم منفک شوی نه دی او انځور یې د کور د څارویو دی چې مازدیګر یې په پولو د ساعت تېري په موخه څروي.
خو پژواک وایي چې دوئ داسې ثبونه او د عاصم غږونه لري چې هغه پکې له بې روزګارۍ شکایت کوي او له پژواک سره د هغه متن او انځورونو موافقه کوي چې پکې د عاصم له بېکارۍ خبر ورکول شوی دی.
واک ته د طالبانو د حکومت له رسېدو وروسته د هېواد د پوهنتونونو یو شمېر استادان بهر ته ولاړل او یو شمېر یې له بد اقتصادي وضعیت څخه سر ټکوي