ننګرهار کې له کروندګرو او مالدارانو سره مرسته وشوه
د ننګرهار ځایي رسنۍ وایي، چې د دې ولایت د کرنې رياست په هڅو WHH ادارې له لوري او د RRAA موسسې په همکارۍ د دوربابا او کوټ ولسواليو ۱۵۰۰ بزګرانو او مالدارانو سره د خوراکي او روغتيايي توکو مرسته وشوه.
د طالبانو د سرپست حکومت د ننګرهار چارواکي وایي، چې په ياده مرسته کې ۱۵۰ کيلو اوړه، ۱۰لېتره غوړي، ۵۰کيلو وريزې، ۲۸ کيلو لوبيا، ۱۰کيلو بوره او ۲کیلو مالګه شامل وه.
واک ته د طالب حکومت تر رسېدو وروسته په هېواد کې د بې روزګارۍ او لوږې کچه لوړه شوې ده، که څه هم هره ورځ هېواد ته بهرنۍ بشردوستانه مرستې رسېږي خو دغه کچه لا هم لوړه ده.