م.م د روسیې په هکله ځانګړې غونډه جوړوي
د ملګرو ملتونو د امنیت شورا تېره ورځ د رایو په اکثریت ددغه سازمان د ځانګړې غونډې جوړول تائيد کړ.
ملګري ملتونه د روسیې ورستيو غبرګونونو ته په کتو د رايو په اکثريت د يوې ځانګړې غونډې جوړېدو خبر ورکړی.
په دغه غونډه کې به د ملګرو ملتونو ټول غړي هېوادونه ګډون کوي او د روسیې د وروستیو اقداماتو په هکله به د نظر څرګندولو حق ولري.
بلخوا رسنۍ وايي چې روسیې ډېره هڅه وکړه چې ددې غونډې د جوړېدو مخه ونیسي خو بریالي نه شول.
ددې تر څنګ هلته په بلاروس کې د اوکراین او روسیې مذاکرات پيل شوي دي.
تېره ورځ د ناټو هېوادونو د توندو غبرګونونو او ګواښونو وروسته پوتین د دوی په ځواب کې اټومي پوځ ته د تيارسۍ امر وکړ.
پوتین ويلي چې د هېچا مداخله نه مني او که چا مداخله وکړه، نو په دې صورت کې به سخت ځواب ترلاسه کړي.