طالبانو د افغانستان اساسي قانون ته د درناوي ژمنه کړې
اروپایي ټولنه وايي، طالبانو د افغانستان اساسي قانون ته د درناوي ژمنه کړې
د رسنیو د راپورونو په حواله، د افغانستان لپاره د اروپایي ټولنې استازي ویلي، چې د طالبانو پلاوي دا ژمنه کړې ده چې د افغانستان جمهوري نظام اساسي قانون ته به درناوی کوي.
د ایسنا د اناتولي خبري اژانس د راپور له مخې وان برنت ویلي چې د طالبانو د بهرنیو چارو وزارت د سرپرست وزیر امیر خان متقي په مشرۍ قطر ته تللي پلاوي په دوحه کې دوئ سره ژمنه کړې چې د افغانستان اساسي قانون ته به درناوی کېږي.
هغه همداراز ویلي دي چې یاد پلاوي دغه د جونو او هلکانو د ښوونځیو د ژر پیلېدو ژمنه هم کړې، د ټولنې د ټولو اړخونو لپاره به نوي قوانین هم جوړ کړي.