طالبان: ډېر ژر به له افغانستان څخه پاکستان ته د مسافروړونکو بسونو د تګ راتګ خدمات پیل شي
د طالبانو د سرپرست حکومت د ترانسپورټ او هوایي چلند وزارت مسؤلین وایي، چې ډېر ژر به د ننګرهار او پېښور، کندهار او کوټې تر منځ د مسافروړونکو بسونو تګ راتګ پیل شي.
یاد وزارت زیاتوي، چې دا خدمات به د دواړو هېوادونو مسافرو ته شخصي ترانسپورټي شرکتونه وړاندې کوي.
هغوئ همداراز وایي، چې د مسافرو د تګ راتګ لپاره به خدمات د ۵ پاکستاني او ۵ افغان شرکتونو له لوري وړاندي کېږي.
طالب چارواکي وایي، چې هڅه کوي ترڅو له نورو ګاونډیو هېوادونو سره هم ترانزیټي او ترانسپورټي خدماتو ته پراختیا ورکړي.