طالبان وایي ایران ته یې د یوې کشفي ډرون الوتکې د قاچاق مخه نیولې
طالبان وایي ایران ته یې د یوې کشفي ډرون الوتکې د قاچاق مخه نیولې.
د طالبانو د سرپرست حکومت چارواکي وايي، چې ايران ته يې د يوې کشفي ډرون الوتکې د قاچاق مخه نیولې ده.
هغوئ زیاتوي، چې طالبانو د حکومت د اداري فساد او درنو جرمونو پر وړاندې د مبارزې منسوبینو يوه ډرون الوتکه چې له هېواده قاچاق کېده کشف کړې.
د طالبانو په وینا، ياده غټه کشفي ډرون الوتکه ایران ته د ۶۵ زرو ډالرو په بدل کې قاچاق کېدله.
واک ته د طالبانو له حکومت وروسته ګاونډیو هېوادنو ته د وسلو او پوځي تجهیزاتو د قاچاق کېدو ګڼ شمېر پېښې ثبت شوې دي.