سبا شپه د ازادو سياليو افغان لوبغاړی عظيم بدخشي لوبه لري
د ازادو سياليو لوبغاړی عبدالعظيم بدخشي د برازيلي سيال پر وړاندې لوبه سبا لوبه لري.
ټاکل شوې چې د ازادو سیالیو افغان لوبغاړی عبدالعظیم بدخشي سبا شپه د خپل برازیلي سیال مارسلو ګواریلو سره لوبه وکړي.
د بدخشي سیال د ازادو سیالیو ۲۴ حرفوي سیالۍ ترسره کړي، چې ۱۶ یې ګټلي او ۸ نور يې بیا بایللې دي.
بلخوا افغان لوبغاړی عبدالعظيم بدخشي بیا تر دې دمه ۱۱ لوبې ګټلي او درې لوبې یې بایللې دي.
ياده لوبه سبا شپه ۸:۳۰ بجې په هندوستان کې ترسره کېږي.
بدخشي په خپله فيسبوک پاڼه ليکلي؛ چې نن دواړو لوبغاړو وزن کشي ترسره کړه. نوموړي همداراز ويلي چې د سبا لوبې لپاره بشپړ چمتووالی لري.