د پاکستان د کورنیو چارو پخوانی وزیر ومړ
د پاکستان د کورنیو چارو پخوانی وزیر ومړ. د پاکستاني رسنیو د راپورونو په حواله، د پاکستان د کورنیو چارو پخوانی وزیر رحمان ملک د کرونا ناروغۍ له امله مړ شوی دی.
د رحمان ملک ویاند په خپله ټویټر پاڼه د هغه مړینه تاید کړې، او زیاته کړې یې ده چې رحمان ملک د روان میلادي کال د جنورۍ په میاشت کې د کرونا په ناروغي اخته شوی ؤ چې تېره شپه د ۷۰ کالونو په عمر مړ شوی دی.
رحمان ملک له ۲۰۰۸ میلادي کال څخه تر ۲۰۱۳ میلادي کال پورې د پاکستان د کورنیو چارو وزیر پاتې شوی وو.
پاکستاني لوړپوړو چارواکو تر اوسه د رحمان ملک د مړینې په اړه رسنیو ته څه نه دي ویلي.