د لوګر د برکي برک ولسوالۍ د ښوونکو روزنه پیل شوه
د لوګر د برکي برک ولسوالۍ د ښوونکو روزنه پیل شوه
د لوګر ولایت د برکي برک ولسوالۍ د سیمه ییزو او چټکو زده کړو د ۶۷ نویو ګومارل شویو ښوونکو ۱۴ ورځنۍ روزنه پیل شوه.
دا روزنه د پوهنې ریاست په همغږۍ د ودان موسسې له خوا ورکول کېږي، چې ۴۸ نارینه ښوونکي او ۱۹ ښځینه ښوونکې پکې برخه لري.
په دغه څوارلس ورځنیو زده کړو کې، ښوونکو ته د دوئ د ظرفیت لوړونې په موخه د تدریس د نویو لارو چارو په برخه کې مسلکي روزنه ورکول کېږي.
په لوګر کې د یونیسف او ودان موسسو په مرسته، په برکي برک ولسوالۍ کې ۵۰ سیمه ییز او ۱۷ د چټکو زده کړو نوي ټولګي جوړ شوي دي.
د نوموړو ټولګیو په جوړولو سره، له زده کړو ۲۲۰۰ بې برخو ماشومانو ته، چې ۱۸۵۹ یې نجونې او ۳۴۱ یې هلکان دي د زده کړو زمینه برابره شوې ده.
یاد ټولګي، له لومړي ټولګي نیولې تر دریم ټولګي پورې ټولګي لري، د رسمي ښوونځیو په څېر پکې تدریس کېږي، چې تر درېیم ټولګي وروسته زده کوونکي په رسمي ښوونځیو کې جذب کېږي
پنجره ورځپاڼه