د روسیې حکومت په روسیه کې د ازادۍ راډیو او امریکا غږ نشرات بند کړل
د رسنیو د راپورونو په حواله، د روسیې حکومت په دغه هېواد کې د ازادۍ راډیو او امریکا غږ نشرات بند کړي دي. راپورونه زیاتوي، دغه اقدام د روسیې د ولسمشر ولایمیر پوتین په امر ترسره شوی دی.
پوتین یو فرمان صادر کړی چې پکې په روسیه کې د امریکایي او د هغوئ د ملاتړو پر رسنیو بندیز پورې شوی دی.
همداراز په دغه فرمان کې راغلي، د روسیې هره رسنۍ یا خبریال که د عامو خلکو د ذهنیت خرابولو هڅه وکړي، پر اوکراین برید ته یرغل ووایي حکومت به یې په اتلس کاله بند او نغدي جریمو محکوم کړي.
امریکا غږ ویلي چې د روسیې حکومت دغه اقدام به دوئ اغیزمن نه کړي.
دا په داسې حال کې ده چې امریکا او اورپایي ټولنې پر اوکراین د روسیې له برید څخه وروسته په روسیې هېواد ګڼ شمېر بندیزونه لګولي او له روسیې یې څخه یې غوښتي چې له اوکراین څخه خپل ځواکونه ژر تر ژره وباسي.