د امريکا کانګريس د دغه دفاعي بوديجه تصويب کړه
د امریکا کانګریس د رایو په اکثریت د دغه هېواد دفاعي بودیجه تصویب کړه.
د امریکايي رسنیو د راپورونو له مخې کانګریس د امریکا ۷۶۸ میلیارد ډالري دفاعي بودیجې ته تر ډېرو ناندریو وروسته رایه ورکړې ده.
سره له دې چې د بودیجې د تصویب په هکله پراخې ناندرۍ روانې وې او وکیلانو خپلې غوښتنې او سپارښتنې لرلې خو دغه بودیجه د ۸۶ مثبتو رایو په اخیستو تائید شوې او د بایډن لاسلیک ته استول شوې ده.
په دې بودیجه کې د پوځ د مهارتونو لوړول، د لګښتونو پوره کول، د پوځي تجهیزاتو پرمختیا، شفافیت رامنځ ته کول او د پوځ منظمول شامل دي.
امریکا د نړۍ له هغو هېوادونو څخه دی چې تر ټولو لوړه دفاعي بودیجه لري او په کانګریس کې وخت ناوخت د یادې بودیجې پر سر ناندرۍ روانې وي.
د يادونې وړ ده چې تر دې وړاندې د امريکا دفاعي بوديجه د کانګريس له لوري څو ځل رد شوې وه.