ایمانویل مکرون: د روسیې او اوکراین ستونزه باید د خبرو له لارې حل شي
د فرانسې هېواد وایي، چې له روسیې سره د اوکراین ستونزه باید د خبرو له لارې حل شي.
راپورونه وایي، چې ایمانویل مکرون په خپله تازه مرکه کې ویلي چې د اوکراین پر سر له روسیې سره جګړه او ناندرۍ د هېڅ لوري په ګټه نه دي او په په وینا یې د روسیې اندېښنې باید واورېدل شي.
مکرون ویلي، چې روسیه د اوکراین د نیولو په هڅه کې نه ده، او دا یې حق دی چې د خپلو امنیتي اندېښنو قانع کوونکی ترلاسه کړي.
هغه زیاتوي چې د اروپا او سیمې د امنیت لپاره نوو هوکړو ته اړتیا ده چې باید د خبرو او مذاکراتو له لارې رامنځ ته شي.
له بل لوري امریکا بیا وایي، چې روسیې پر اوکراین د برید لپاره بشپړ تیاری نیولی دی چې باید مخه یې ونیول شي.
دا په داسې حال کې ده چې څه موده وړندې روسیې د اوکراین پولو ته شاوخوا خپل پوځیان لېږلي دی