امیر خان متقي: په افغانستان کې هېڅ کومه ترهګره ډله شتون نه لري
امیرخان متقي وایي، په افغانستان کې ترهګرې ډلې شتون نه لري او د نـړیوالو اندېښنه بې ځایه ده.
د طالبانو د سرپرست حکومت د بهرنیو چارو وزیر امیر خان متقي وایي، چې په افغان خاوره کې هیڅ ترهګر شتون نه لري او د نړیـوالو اندېښه بې ځایه ده.
متقي په کابل کې د ملګرو ملتونو له ځانګړې استازې دېبورا لانیز سره لیدنه کړې، هغه په دې لیدنه کې ویلي چې په افغان خاوره هیڅ کومې ترهګرې ډلې ته د فعالیت اجازه نه ورکول کېږي او د نړیوالو دا ډول خبرې افغانان وېره پارول بولي.
هغه زیاتوي چې د طالبانو په حکومت د نړیـوالو بندیزونه د افغانستان ولس ته زیان رسوي که نړیـوال غواړي چې د افغانستان د خلکو وضعیت ښه شي له طالب حکومت دې بندیزونه لرې کړي.
متقي زیاتوي چې د طالبانو نوی سرپرست حکومت داسې پلانونه لري چې په پلي کېدو سره به یې په افغانستان کې د خلکو وضعیت له هره اړخه ښه شي.
دا په داسې حال کې ده چې د ملګرو ملتونو عمومي منشي انتونیو ګوتریش څو ورځې وړاندې په افغانستان ویلي و چې په افغانستان کې اوس هم ګڼ شمېر بهرنۍ ترهګرې ډلې فعالیت کوي او دوئ یې اندېښمن کړي دي.