افغانه نجلۍ د نړۍ اغېزناکو ښځو په نوملړ کې شامل شوه

یوه افغانه ۱۵ کلنه نجلۍ چې ستوده فروتن نومېږي، د افغانستان د هرات ولایت اصلي اوسېدونکې ده، نوموړې د امریکا د کانګرېس له رئیس سره یوځای د بریټانیا د معتبرې ورځپاڼې فایننشل ټایمز له خوا د نړۍ د اغېزناکو ښځو په نوملړ کې شامله شوې ده.

دغه افغانه نجلۍ په داسې وخت کې د بريټانيا معتبره ورځپاڼې له لوري د نړۍ اغېزناکو مېرمنو په نوملړ کې راځي، چې په کور دننه افغان اکثره مېرمنو  د طالبانو له واکمنۍ وروسته، نه يوازې خپلې دندې له لاسه ورکړي؛ بلکې د ژوند له سخت حالت سره مخ دي‌.