افغان ځوان د ۱۳۰ افغانيو په ارزښت اختراع کړې
په کندز ولایت کې د راحت الله په نوم یو تنکي ځوان د ۱۳۰ افغانیو په لګښت د خاورې کیندلو او پورته کولو لوډر ماشين جوړ کړی دی.
دغه ځوان وايي که په مالي برخه کې يې لاسنيوی او مرسته ورسره وشي؛ نو کولای شي چې ټرانسپورټي او نقلیه وسایل جوړ کړﻱ.
په افغانستان کې د راحت په شان ګڼ نور ځوانان هم دي، چې په ډېرو کمو عمرونو کې د سترو اختراعاتو وړتيا لري، خو د مالي ستونزو له وجې نه دي توانيدلي چې خپل کار ته دوام ورکړي.