لوګر کې نامعلومو وسله والو څلور نانوایان وژلي
په لوګر کې نامعلومو وسله والو څلور تنه نانوایان وژلي دي.
ځایي اوسیدونکي وایي، چې تېره شپه د لوګر مرکز اړوند د ښاروال هوټل ته څېرمه د نامعلومو وسله والو له لوري څلور ډوډۍ پخونکي (نانوايان) په خپله هټۍ کې وژل شوي دي.
هغوی زیاتوي، چې په وژل شويو کسانو کې درې وروڼه او يو يې د تره زوی دی.
د طالبانو د سرپرست حکومت د لوګر چارواکو تر دې مهاله د یادې پېښې په تړاو څه نه دي ویلي.