بادغيس کې ټرافیکي پېښه شوې
په بادغيس ولايت کې موټر د چپه کېدو له امله ۱۲ کسانو ته مرګ ژوبله اوښتې ده.
د باختر خبري اژانس د راپور له مخې د بادغیس د بالامرغاب ولسوالۍ په بند منګان سیمه کې د موټر چپه کېدو په له امله څلور تنه مړه او اته نور ټپیان شوي دي.
په ورته وخت کې په پنجشیر کې هم په یوه ترافیکي پېښه شوې، چې له امله يې یو تن مړ او دوه نور ټپیان شوي دي.
بلخوا د تخار ولايت ځايي سرچينې هم وايي، چې د دغه ولایت د ورسج ولسوالۍ په کوتل پوګان سیمه کې یو ټونس موټر چپه شوی چې په پایله کې یې درې تنه ټپیان شوي دي. د یادو پېښو د رامنځته کېدو لامل د موټر چلوونکو بې احتیاطي او د سړکونو خرابوالی په ګوته شوی دی.