لوګر کې درې غله نیول شوي دي
د لوګر په مرکز پل علم ښار کې د طالبانو له لوري درې غله نیول شوي دي
د طالبانو د سرپرست حکومت د لوګر ولایت د امنیې قومندانۍ ویاند احمدالله انس وایي، چې د دې ولایت په مرکز کې د طالب ځواکونو له لوري درې غله نیول شوي دي.
انس زیاتوي چې یادو غلو د کابل په چهاراسیاب ولسوالۍ کې یو کس په چړو وهلی، او سراچه ډوله موټر یې ترې غلا کړی وو، چې نیول شویو کسانو په خپل جرم اعتراف هم کړی دی.
انس همداراز وایي، چې نیول شوي کسان به تر څېړونو وروسته عدلي او قضایي ارګانونو ته وسپارل شي.