کابل کې چاودنه شوې ده

څو شیبې وړاندې د کابل په لویدیځ کې چاودنه شوې ده.

د طالبانو د سرپرست حکومت د کابل امنیې قوماندانۍ مسوولین وايي، چې څو شیبې وړاندې د کابل ښار د سرکاڼو په سیمه کې چاودنه شوې، چې له امله یې دوه کسات وژل شوي او درې نور ټپیان شوي دي.

هغوی زیاتوي، چې دا چاودنه په یوه کراچۍ کې د ځای پرځای شویو چاودېدونکو توکو د چاودنې له امله رامنځته شوې ده.

عیني شاهدان بیا وایي، چې له چاودنې وروسته د درنو او سپکو وسلو د ډزو غږونه هم اورېدل شوي دي.

دا په داسې حال کې ده چې په دې وروستیو کې یو ځل بیا په کابل کې چاودنو او بریدونو زور اخیستی دی.