د خوړو نړۍوال پروګرام په سمنګان کې له ۵ سوه کورنیو سره مرسته کړې ده
پنجره ورځپاڼه: د سمنګان سیمه ییزې رسنۍ وایي، چې د خوړو نړۍوال پروګرام له نږدې ۵ سوو کورنیو سره د خوراکي توکو مرسته کړې ده.د سرچینو په وینا، د خوراکي توکو دغه بستې د دغه ولايت د ٨٦ سيمه ييزو شوراګانو غړو ته سپارل شوې دي.
په خوراکي توکو کې اوړه، غوړي، دال، د ماشومانو لپاره غذايي مواد او مالګه شامله ده، چې د خوراک نړيوال سازمان له لوري په سمنګانو ولايت کې اړمنو کورنيو ته ورکړل شوي دي.
د معلوماتو له مخې د دغو مرستو د وېش بهیر له شاوخوا یوې اوونۍ راهیسې په سمنګان ولایت کې پیل شوی دی. د خوړو نړۍوال پروګرام ادارې تر دې وړاندې هم په دغه ولایت کې څه باندې شپږ زره کورنیو ته خوراکي توکي او نغدې مرستې وېشلې دي.