د اسيا کپ سياليو په لړ کې افغان لوبډله له بنګله دېش سره لوبه کوي
افغان کرېکټ ملي لوبډله نن ماښام شپږ نیمې بجې د بنګله دېش کرېکټ ملي لوبډلې سره په متحده عربي اماراتو کې د لوبې ميدان ته کښته کېږي.
تر دې وړاندې افغانستان د کرکټ ملي لوبډلې د اسیا کپ سیالیو په لړ کې په خپله لومړۍ لوبه سریلانکا کرېکټ ملي لوبډلې ته په لوړ توپیر ماته ورکړې او په خپل ګروپ کې لومړی مقام له ځان سره لري.
د افغانستان کرېکټ بورډ ملي ادارې ویلي، چې ملي لوبډله د خپلې دويمې سيالۍ لپاره بشپړه چمتو ده او ټول لوبغاړي هڅه کوي، چې بنګله دېش ملي لوبډلې ته په لوی توپير ماته ورکړي.