د سريلانکا پر وړاندې راتلونکو درې سیالیو ته افغان کرېکټ بورډ د ملي لوبډلې نوملړ اعلان کړ
د افغانستان کرېکټ بورډ د لوبغاړو د غوراوي کمېټې د سریلانکا پر وړاندې د کرکټ نړۍوالې شورا د نړۍوال جام د سوپر لیګ درې یو ورځنیو سیالیو لپاره د افغانستان کرېکټ ملي لوبډلې نوملړ اعلان کړ.
افغان کرېکټ ملي لوبډله به د مهالوېش له مخې د سريلانکا کرېکټ ملي لوبډلې پر وړاندې دغه سیالۍ د روانې نومبر میاشتې پر ۲۵مه، ۲۷مه او ۳۰مه نېته د سریلانکا په پالیکلي نړۍوال کرېکټ لوبغالي کې ترسره کړي.